ზინა სოლომნიშვილი - როცა აპრილი...

როცა აპრილი ქალწულის ფიქრებს

მკერდზე დაიყრის ფერად ვარდებად,

ირმის ბღავილი ზეცას აიკლებს

ქარებს ქოშინი აუვარდებათ.

შეიბორკება როდესაც ღამე

შეყვარებულთა ცრემლთა მტევნებით...

თავს აიწყვეტავს სურვილი... და მე...

ვარსკვლავთ პაემანს ავედევნები...

მე გამაგიჟებს დროის სიმოკლე,

გინატრებ ჟინით, თავდავიწყებით...

და თუ სიყვარულს ვერ დავიოკებ,

მზეს ჩავიხუტებ და დავიწვები.