ბერდია ბერიაშვილი - ნამდვილ მეგობარს თუ ვერსად შეხვდი

თუ სიყვარულმა გიქცია გვერდი,

არ ხარჯო მისთვის ძალა და ღონე,

ნამდვილ მეგობარს თუ ვერსად შეხვდი,

შენც ადექი და... გამოიგონე.

გული გახურდეს ისე, ვით თონე,

რომ ბრიალებდა ალით ამ დილით.

ისე ლამაზად გამოიგონე,

რომ თვით გეგონოს იგი ნამდვილი.

დაე, შეუნდოს ყველას უფალმა,

ზოგი ფლობს დარბაზს და ზოგი - სოროს.

რამდენი ვინმე, როგორც ფუფალა.

გამოგონებულ ცხოვრებით ცხოვრობს.