დოდო გვიშიანი - ბედის ვარსკვლავი

რატომ ციმციმებ ბედის ვარსკვლავო,

ან რას მანიშნებ ნეტავ

რა პატარა ხარ ბედის ვარსკვლავო,

ცაზე მიმქარალსა გხედავ.

ჩემი პატარა ცისფერი ბედი

მაგრად ჩაგიკრავს გულში,

გულში ჩაგიკრავს ჩემი ოცნება

მზისკენ გაფრენას უშლი.

ბედის ვარსკვლავო სიცოცხლის ჟამი

რა გამალებით ქროდა,

ნუ გამიმეტებ პატარა ხანი

კიდევ მაცალე ცოტა.

ბედის ვარსკვლავო შენ დამიფარე

ჩემი ცრემლების ფასად

ჩემდა ნუგეშად ვინც შემაყვარე,

ნუ განმაშორებ მასთან.