ბერდია ბერიაშვილი - დღეს მომესალმე და გამიღიმე

ზურგს უფიცხებენ მთებს თეთრი ქვები,

ზღვის ტალღა ლოკავს ნაპირზე ქვიშას...

შენ მარტო დგახარ და იღიმები,

ო, ეს ღიმილი ნეტავ, რას ნიშნავს?!

მწვანე ხალიჩა ახურავთ ქედებს,

ამინდებს ვატყობ სიკეთის ნიშანს.

შენ ჩაიარე და შემომხედე,

ეს უკვე ჩემთვის რაღაცას ნიშნავს.

უთქმელი სიტყვა მძიმეა, მძიმე,

იგი გამგვანებს მხდალსა და პირშავს.

დღეს მომესალმე და გამიღიმე,

ეს უკვე ჩემთვის ყველაფერს ნიშნავს.