ვასილ ბესელია - სისხლი მწვეთავს და ცრემლი მწარეა...

სისხლი მწვეთავს

და ცრემლი მწარეა

და გზა ახლოა დასასრულამდე,

გიგონებ ახლა

ისე ძალიან,

თითქოს შენ მკერდზე თვალებს ვლულავდე.

უშენოდ ახლა

მართლა ძნელია,

სისხლი მწვეთავს და ღმერთი მიწყრება...

და ყველაფერი

ისე ძველია,

როგორც ყველაფრის გადავიწყება...

დამდგარა ღამე,

სიკვდილზე მძიმე,

ლექსიც ამ ღამის ყინვამ მობელა,

და დასაწყვეტი ნერვების სიმებს

ღრღნის სიმარტოვის ჭრიჭინობელა...