ვასილ ბესელია - იმ მწვანე წვიმებით მოიწვიმა

იმ მწვანე წვიმებით მოიწვიმა

ის გზები -

ზღაპარს რომ დავადარე,

ზღაპრებში

იმ გზებმა მოიწყინა,

ის მწვანე წვიმებიც ავად არის...

დავეძებ მწუხარე მოლანდებით

იმ ზღაპარს - ვალივით გადასახდელს,

რომ ისევ იმ გზების მონატრებით

ისევ იმ წვიმებში გადავსახლდე...

იმ ზღაპარს

სულივით აბარია

უნაზეს ტკივილით გაბრუება...

... იმ ვალის გადახდა ზღაპარია,

როგორც იმ

ზღაპარში დაბრუნება...