ვასილ ბესელია - მერე ისიც მოვა...

მერე ისიც მოვა - 

გადამიწევს მკლავს,

მანამ კი ვარ, თუმცა 

უშენობა მკლავს!

ვუხმობ ძველისძველ და 

უკანასკნელ ვალსს...

ვალი გამყვა შენი, 

ვერ გიბრუნებ ვალს!

ვერ გიგზავნი კოცნებს, 

ვერ გაკითხებ ლექსს,

ვემატები ასე 

ამ დღეების ლექს!

ვერ ვაწყნარებ გულს - 

ჩემს გატეხილ ფარს,

და ვეჩვევი ასე 

წუთისოფლის ფარსს!

აწი თუკი მოვა,

(რომ მოვიდეს ხამს!)

რაღას მიზამს მეტს

ბითურსა და ხამს!