|
შავით და თეთრით ნაქარგო ნისლის ყდიანო რვეულო, ფურცლებზე ეკალასხმულო, დარდო გულს შემოფრქვეულო,
კარგის წამებას ჩვეულო, ზოგისთვის დასაფიცარო და ზოგისთვისაც წყეულო,
ხან ცეცხლო თოვლში რხეულო, ხან სიხარულის ტაძარო, ხან კოშკო ჩამოქცეულო,
სამყაროს შემოხვეულო, ნათებავ ქვესკნელებისა ზესკნელში ამოღწეულო,
უფლისგან გადმოქნეულო - წუთისოფელო, ლამაზო, მძლეველო, ზოგჯერ ძლეულო, ხან ლხინო ერთი წამისა, ხან ტანჯვავ ათასწლეულო! |
















