შოთა ნიშნიანიძე - ჰო - მეუბნები - თან ამბობ - არა...

- "ჰო" - მეუბნები, თან ამბობ  - არა" -

და დაგთამაშებს ღიმილი პირზე.

ამ ეშმაკობით ბევრ რამეს ფარავ, 

ეს არის შენი ქალური სიბრძნე.

"არაო" - ამბობ მკაცრი ბაგეთი 

"ჰო, შე სულელო" - ამბობ თვალებით, 

მე კი სიმართლეს ვერ მივაგენი, 

ვხსნი ამ ქარაგმებს და ვეწვალები.

ასე სათნო და ასე გოროზი 

ჩემს ბავშვურ სულში რად შემოხვედი? 

როგორც დემონი და ანგელოზი! 

როგორც სამოთხე და ჯოჯოხეთი!