ნიკო სამადაშვილი - ჩემს მარიამს

მე შენ მიყვარხარ, ისე კი არა

ხალხმა რომ იცის,

ანდა წიგნებში როგორც სწერია,

მიყვარხარ ისე, როგორც იციან

ტყის მოჭიკჭიკე ცის ფრინველებმა.

ისე მიყვარხარ, როგორც იციან

ტყის ფრინველებმა

ისე კი არა, ხალხმა რომ იცის

ანდა წიგნებში როგორც სწერია.

მიყვარხარ, როგორც ღვთისმშობლის ფიცი,

შენი ცხოვრება გულის მწველია.

ისე კი არა, ხალხმა რომ იცის

ანდა წიგნებში როგორც სწერია…