ჯანსუღ ჩარკვიანი - გაუგებრობა

შენ რომ გგონია ზეცის ბოდვები,

ის ქარი მთისკენ ანაქროლია,

შენს ბედისწერას ვერ გაშორდები, -

არცა თქვა, - "ბედი არა მქონია".

დიდი იმედის ნუ გაქვს იმედი,

უდავოდ ენდე, თუ ის გენდობა,

გწამდეს იმედის, თუნდაც მცირედის,

მკრეხელობაა უიმედობაც.

გაოგნებული მიმზერ ვით ხარი,

ვაჰ, თუ გგონივარ ღმერთი გამრიგე,

- ხომ ვერ გაიგე, რაც მე გითხარი,

და შენ გგონია,

რომ მე გავიგე?