ამ მოლოდინსაც გამოღრღნიან სულში ჩრჩილები, ამოხეთქავენ ჩემი ტვინის ცხელი ლავიდან, ხოლო ტუჩები გვალვისაგან დახლეჩილები იჩურჩულებენ, აღარ მოვა, გაჰქრა, წავიდა.
ანდა სიზმრებში ღამით თავზე როგორ გევლები, მიტოვებული სიყვარულის ვარ ეკლესია, ჩამოქცეულა ხავსიანი ჩემი კედლები.
ქარი ხემია, ხეები კი ნაზი სიმები, საჭრეთლით ხელში დგას მოხუცი მიქელანჯელო და ჩემს საფლავზე გაქანდაკებს გულმოდგინებით.
დღეს კი არავის აღარაფერს არ ვემართლები, რა მაღალი და შორი იყო შენი სამრეკლო, რა პატარა და უსუსური ჩემი სანთლები. |