ტარიელ ჩარქსელიანი - სიცოცხლე უნდა ქარიშხალს გავდეს...

სიცოცხლე უნდა ქარიშხალს ჰგავდეს,

მეხის გავარდნას ჰგავდეს სიკვდილი,

მტერიცა გყავდეს, მოყვარეც გყავდეს,

მხოლოდ არც ერთთან ჭამო სირცხვილი.

სიცოცხლე უნდა სიმღერას ჰგავდეს,

ვიდრემდე გულის შეწყდება ფეთქვა,

და თუ ცხოვრებას ვერ გაუმკლავდე

უნდა თქვა მაინც, რაც უნდა გეთქვა!

*******

სიცოცხლე უნდა მადლობა იყოს,

ღვთისადმი შენგან კრძალვით მიძღვნილი,

ისე ლამაზად უნდა იცხოვრო,

მზის ჩასვლას უნდა ჰგავდეს სიკვდილი!

*******

ვაჟკაცი მუდამ სიმაღლეს ეძებს,

არწივის სულიც ამიტომ ფასობს,

გაწვრთნილი ცხენი გაურბის დეზებს,

მათრახს ის ითმენს, ვინც არაკაცობს...