ანზორ აბულაშვილი - მაცხოვარი

უნდა ვირწმუნოთ -

ცისკენ სვეტად ასხლტა სინათლე,

ლაჟვარდს შეერთო გამოცანა, -

კრულვა სატანის.

ურცხვად მოძვრება ხელის ბანვით

ლექსში პილატეც,

სინედრიონიც, ლაფდასხმული -

ჰურიასტანის.

მან კი თხემიდან,

დაფლეს ნაშთი სად ადამისი

და სად მალამოდ ეცხო იგი

ხორციელთ ცოდვას, -

მიართვა თვისნი ჭრილობანი -

ყვავილნი სისხლის,

ვით თაიგული, დაუმჭკნარი -

ადამის მოდგმას.