ტარიელ ჭანტურია - თიხის სამი ფირფიტა

აკვირდები ცისარტყელას -

ღმერთისა და კაცის ტიხარს.

ტიხარს აქეთ - კაცი ხარ და

ტიხარს იქით - პოეტი ხარ!

თვითონ ღმერთის შესაქმნელი -

ტანჯვით მოიპოვე თიხა,

და ფირფიტა ცრემლით ზილე -

ბედნიერი პოეტი ხარ!

მიგიტევებს სევდას ციურს -

ფრთალაღი კაპოეტი ხარ.

სხვაზე მეტი დარდი გაქვს და

სხვაზე კაი პოეტი ხარ.

მიკვირს კიდეც ზოგჯერ, როცა

ჩვენთან გხედავ - დგახარ! ზიხარ!

სულ ღმერთებში იტრიალებ,

ოდეს აიღებენ ტიხარს!..