ალაზანთან დუქანია, ხინკალია ცხელი, დახლს აქეთკენ თუშის გოგო დაჰქრის, როგორც შველი.
ცომს ბუტბუტით მუშტავს, - ცხელი კერძის მოლოდინში სული მისდის მუშტარს.
ლოქოსა და ჭანარს, ხითხითია, ხინკალია და თითების ჭამა...
თეთრი სინით ხელში, ზოგს არაყით აბრუებს და ზოგს თვალების ეშხით.
ვეღარ დავდექ ჩემთვის, მიველ, ვუთხარ, ლექსად ვუთხარ, რა კარგი ხარ-მეთქი...
აწიწმატდა უცებ, უროსავით მსხვილი მჯიღი დაიტაფა გულზე.
გადმომხედა ცერად, _ ვერ გავუძელ მის მომდურავ და ნაღვლიან მზერას...
ფარფლიანი ქუდი, - დახლზე დამრჩა მინანქარი ავსებული ლუდით;
იმ ვაჟივით ცხარე, მივატოვე ალაზანი, ჯეირნების მხარე.
ლამაზია ძლიერ, კიდევ კარგი, მისი ეშხის ცდუნებას რომ ვძლიე.
მე და ჩემი ღმერთი, - თუშის გოგოს ისე ვუთხარ, რა კარგი ხარ-მეთქი!
დუქანია ერთი, დუქანია, დუქანია ხინკალივით თეთრი...
თეთრი სინით ხელში, ზოგს არაყით აბრუებს და ზოგს თვალების ეშხით.
ცომს ბუტბუტით მუშტავს, მუშტარს ელის, მაგრამ მაინც ყველას უმზერს კუშტად...
დროზე, თორემ გზნებით ალაზანზე ხოხბებივით კრიახობენ წლები.
არ დასთმობენ სხვები, - ნახავენ და წაიყვანენ საცალფეხო გზებით. |
პოეზიის გვერდი • • • • • • მორის ფოცხიშვილის პოეზია |