ლადო მრელაშვილი - რობაიები

ენა იმდენი ვიქავეთ და გადავიტყავეთ, 

ქვეყანა დარჩათ ქურდ-ყაჩაღებს, ქადაგ-მკითხავებს, 

კაცის მკვლელები ყელსა სჭრიან თავისუფლებას,

ხოლო გონიერთ - უგუნურნი განიკითხავენ.

*****

ქვეყნის მმართველნო, თქვენი ჭკუა რომელ ქარს გაჰყვა? 

პარლამენტარნო, არ მოგწყინდათ განა წყლის ნაყვა? -

ბრმამაც კი იცის, თავის ყურით რაც გაიგონა,

ყრუმაც კი იცის, თავის თვალით, რაც დაინახა.