მარი აბრამიშვილი - მითხარ, რა მოხდა, მერცხალო...

- მითხარ, რა მოხდა, მერცხალო,

გაფიცებ დედა-ბუნებას,

აღარც დაფრინავ, არც გალობ,

რამ შეგიცვალა გუნება? 

ასე რად ზიხარ მარტოკა,

გულს მიკლავს შენი ყურება.

- რა გითხრა, გული მკვდარია,

და განა გამემტყუნება,

ჩემი თავნება მერცხალი. 

სხვა მერცხალს ეჟღურტულება;

თუმც სიყვარული ჭიკჭიკით

მე შემომფიცა მარადი...

- ავაჰმე, ჩემო ფრთოსანო,

თქვენშიც ყოფილა ღალატი?!