ვასილ ბესელია - სხვისი ტკივილიც მწარედ მტკენია...

სხვისი ტკივილიც მწარედ მტკენია,

და სხვა რამ რადგან არც მაბადია,

რაც კი რამ ცოდვა ჩამიდენია,

ღმერთმა ამიტომ თუ მაპატია...

ერთი ვედრება  შენც გამიგონე,

ის ლოცვაც - ღმერთს რომ შევახვეწებდი...

შენ მაპატიე - რომ ვერ გიპოვე

არ მაპატიო - რომ არ გეძებდი.

მეც მცემდა ბედის გაგრია ტალღა,

თოვდა მძიმედ და წვიმდა ნემსებად...

შენ ჩემთან აწი მომსვლელი არ ხარ,

ხოლო მე - შენთან არ მომესვლება!

ახლა მე შენთან წუთებს მითვლიან,

ცოტაც და სულიც გამომეცლება...

და კაცმა რომ თქვას - როგორც იტყვიან

მე შენთან ალბათ არც მომესვლება...

და ზეზეულად,  ბოლო ბწკალამდი,

დამძიმდა სული წლების თებოთი...

... შენ მაპატიე ყველა ღალატი,

მე რა ვიცოდი, თუ შეგხვდებოდი!...