ნანა ცინცაძე - მე გავაკეთე აღმოჩენა

მე გავაკეთე აღმოჩენა -

ვარ ბედნიერი.

კვლავ შემწევს ძალა, ვიტირო და

მჯეროდეს ხვალის,

არავინ მითხრას - ცრემლი შრება,

მუდმივად ვდარდობ...

ცრემლი არ შრება, ცრემლით ხდება

გადახდა ვალის.

ყველას ცხოვრების რაღაც გვმართებს -

დიდი ან მცირე.

წასული წლები მეტად მკაცრი

განაჩენია,

ბევრჯერ დამცხრილეს, ფენიქსივით 

მაინც აღვსდექი

და კვლავ სიცოცხლეს მივუძღვენი -

რაც დამრჩენია.