გიორგი გიგაური - შენდამი მიძღვნილი

ისინი შენთან დარჩნენ მძევლებად -

გზააბნეული ჩიტის გუნდები,

ზოგი ჩურჩულით თავზე გევლება

და გაიმედებს, რომ დავბრუნდები.

მათ არ იციან გულისთქმა ჩემი

და სიყვარულის ძველი სახმილით

აგიფერადეს ოცნების ჭერი,

გაგიფრთიანეს ფიქრის მარხილი.

ჩაგჩერებიან თვალში ალერსით

და დაეძებენ ძველებურ ხალისს,

ბედნიერ დღეთა სიანკარეში

ვერ დაინახეს ნაღველი ხვალის...