შიო მღვიმელი - ნატვრა

ნეტავი ვიყო ღიმილი

ლამაზი გაზაფხულისა,

რომ შემოვევლო ყვავილებს

როგორც სურვილი გულისა.

ან ვიყო წმინდა ცვარ-ნამი,

ვარდზედ დაყრილი დილისა -

წამლად სახმარი, მკურნალი

სუყევლა დავრდომილისა.

ან ვიყო კიდევ ოცნება

უმანკო სიყვარულისა,

ყველგან მავალი ვით სხივი

ცხრა თვალა მზეთა გულისა.

რომ შემოვევლო ქვეყანას,

მთა-ბარი შემოვიარო

ყველას დარდი და ვარამი

შუაზედ გავიზიარო...