ვახტანგ ჯავახაძე - მზე დედაა ჩემი

დამიცადე,

დამიცადე,

ვიდრე ცამდე და მიწამდე

მოვაღწევდე და სამოთხის

ნაკრძალივით დამიცავდე.

შემახარბა ავოკადო

ვარსკვლავების პარადიგმამ,

ასტრონავტებს ავეკიდე

პლანეტების პარადიდან.

სინდისივით მესინჯება

პულსი,

რაღამ დამაკაოს?

სიყვარულის მესიჯებმა

მომაბრუნეს სამაქაოს.

ნეტავ მიწა მაზელინა,

ნეტავ მენთოს ქურა ნელი...

დედით ზემო-მარსელი ვარ,

მამით - ქვემო-ურანელი.