ალექსანდრე აბაშელი - ცისარტყელა

მზემ პირბადე გადაიძრო, გაუცინა ღრუბელს მტირალს, -

ჰგავდა ქალწულს ოქროსთმიანს, ლურჯ სარკმლიდან გამომზირალს.

ღრუბელს ცეცხლი წაუკიდა, ფრთა შეასხა ალისფერი

თმაჟუჟუნა თეთრ წვიმაში ამოავლო სხივის წვერი

და აჰკინძა ცეცხლის ძაფით ლექსი ცაზე დასაწერი.

ღრუბელს მკერდზე დაეკიდა შვიდფერ მელნით აღბეჭდილი

მზის სონეტი შუქმრავალი - შვიდ სტრიქონად დაწერილი.