შალვა კარმელი - სულიკოს!

რა ხანია, ჩემო ჩანგო,

მასზე არ გიჟღერია!?

რა ხანია, ჩემო თვალნო,

მისთვის არ გიმზერია!?

ეხ, შენ თავო! სულიკოზე

ხსოვნა არ დაგრჩენია!?

სულო ჩემო, უთვისტომო

მწარედ მოგიწყენია!

არ გწადია  მიუწვდომელს

მისწვდეს შენი სიმთ-ჟღერა!?

არ გწადია გაყინულ გულს

ესმას გრძნობის სიმღერა!?..

ოცნებაა ყოველივე

გეტყვი რას შესაფერსა!?

დავდუმდები და დუმილით

გიმღერ მე ყველაფერსა!