გაბრიელ ჯაბუშანური - არხოტ რო წყაროთ გორია...

არხოტ რო წყაროთ გორია,

აიმ გორზედამც ჩამამსვა

შეჭურვილს დაშნა თორიანს

ერთი ძმა შინშიმც თან მამცა.

შენ წყალზე ჩამაგატარა

თულუხითა თუ თუნგითა

შუადღე იყოს თაკარა,

მიმწუხრი იყოს თუ გინდა.

დაგიხვდებოდით ვაჟკაცნი

სიტყვას გეტყოდით გზნებითა,

თუნდა გაკერპდი გაკაჟდი,

თუნდაც გამოგვყევ ნებითა;

მომხვდურთაც ხმალზე ავაგებთ,

ჩვენც ხმალზე ავეგებითა.

აქ კი არასგზით გაგწირავთ

ეს არც წესია რაინდთა

უფალმა ჩვენს რძლად გაგნირა

მაინც ჩვენი ხარ მაინცა.