სხვადასხვა ფერის თვეები წელთა და ოთხნაირი მისი დროება, ო, როგორ მინდა სიბერის დღეთა. ბავშვობის სახლში განმარტოება. სულს შებნეული მუზის ფურცელი, ნაცნობი სუნი ბუხრის და შეშის, სუყველაფერი ირგვლივ უცვლელი. ჭოტის კივილი წყვდიადის იქით, მიმობნეული ლექსები დაბლა, ბომბორა მთვარე დაღლილი ფიქრით. სხვადასხვა ფერის ოთხი დროება, ჩემში შემოსულ ხანდაზმულ ქალთან, ძველ სახლში მინდა განმარტოება. |
პოეზიის გვერდი • • • • • • ნანა მეფარიშვილის პოეზია |