ელგუჯა მარღია - სევდის სერენადა

გწერდი, რომ სევდა ჩვენი ხვედრია,

ხშირად შევდიან სტრიქონებს გწერდი,

რომ გაუსაძლის ფიქრს და ხეტიალს,

არვიცი, როდის დავუსვამ წერტილს.

არ ვიცი... ყოვლის განმსჯელი-ღმერთი,

იქნებ სხვა ტანჯვას ამზადებს ჩვენთვის...

გწერდი თუ როგორ მომნატრებია

თბილი ბაგე და მაღალი მკერდი.

მამყოფე ისევ შენთან, მამყოფე,

იმ ძველი ვნებით დაღლილი დენდი...

ვიდრე მოვკვდები და უარმყოფენ,

შენ ტკივილებთან მამყოფე გვერდით!