ლაშა გახარია - მამადავითზე...

მამადავითზე ავდივართ ორნი,

თუმცა... 

ბინდია უკვე - მესამე.

რწყავს მარმარილოს momento mori - 

გრილ პანთეონის მონათესავე.

აქ ისე სიოდ ამოდის ქარი - 

გრაგნილი შორი - ნიაგარების 

ნელია სურო და საყდრის კარიც 

მშვიდია, როგორც 

ყდა სახარების.

ლეკვიც არ შეჰყეფს 

მთაწმინდის მთვარეს, 

ისე მკრთალია 

და ისეთი, რომ...

თუ პოეტი ხარ, 

აქ დაამთავრე... 

სიკვდილმა რომ არ 

დაგიზეპიროს.