ხვარამზე მინდოდაური - ვერცხლის თასადამც მაქცია

ვერცხლის თასადამც მაქცია,

რო ღვინით აგევსებოდი,

დაფერილი მქნა წითლადა,

შამსვამდი, შაგერგებოდი.

ანა მქნა ვერცხლის სათითე,

რო ხელზე ჩაგედებოდი;  

ანა მქნა ოქროს ბურთვაი,

კალთაში ჩაგეშლებოდი;

ან ვერცხლის ფულად მაქცია,

ჯიბეში ჩაგეყრებოდი!

ან შენი ნამგლის ყანა მქნა,

რო ფხაზე შაგეჭრებოდი;

ანა მქნა ვარდი ყოილი,

რო პირზე დაგეყრებოდი;

ანა მქნა მოის პერანგი,

რო გულზე დაგედნებოდი!

ან შენი ძმა მქნა მოწილე,

ცოცხალს არ გაგეყრებოდი;

ან შენი ნანდაური მქნა,

გულს ჯავრად ჩაგეჭრებოდი!

ძალიან დაწუხებული

გზაზედამც შაგეყრებოდი.