საფო მგელაძე - პრელუდია

რიჟრაჟი თითებს ვიოლინს დაკრავს

ცა ერითმება ფერთა ლიანებს

ბობოქარ ზღვაში ავუშვებ აფრას

თუ შენი ნავი დაიგვიანებს.

მაგრამ სიცოცხლის ჭრაქი თუ ჩაქრეს

და გამიტაცოს ჰარონმა შორა

მაშინ მიტირე ვით მელეაგრა

სტიროდა თავის ჰელიოდორას.

შენ იმ გზით წახვალ... მე ამ გზით... ასე...

წინლტოლვის სურვილს ნუ დამაყვედრი

და თუ კვლავ შევდხვდეთ ცხოვრების გზაზე

ჩვენც შევირიგოთ ჩვენ-ჩვენი ხვედრი.

თუ დამეწევი შენგან წინ წასულს,

არ დაიბნევი, არ შეფერხდები,

დაგადგამ გვირგვინს დაფნისგან დაწნულს

და ჯვარს გადაგვწერს თვითონ ღმერთები.