თინათინ მღვდლიაშვილი - ქვევრმა თქვა

ქვევრმა თქვა, - კაცმა ჩამაცვა

სამოსი ფერი მზისაო,

ვაზი დაწურა, შემასვა

ზედაშე ალაზნისაო.

საუნჯესავით დამმარხა,

დამადო კლიტე ქვისაო,

ხან საქორწინოდ ამხადა,

ხან სატირლადა ძმისაო.

საქართველოა მარანი,

წილხვედრი დედა ღვთისაო,

მლოცავენ წმინდა მამანი,

მადლი მაქვს სამებისაო.

თიხა ვარ საღმრთო-საუფლო,

შემსვამთ და გამიხარდება,

ეს დალოცვილი საწუთრო

მეამებ-მეგულხატება.

* * * * * * *

თიხა ვარ უფლის რჩეული,

ჰარულალო, დაა!..