ლევ ტოლსტოი - კურკა

დედამ ქლიავი იყიდა, გარეცხა და ლანგარზე დააწყო.

ივანეს არასოდეს ეჭამა ქლიავი. ბიჭი მაგიდას გარს უვლიდა და უცხო ხილს თვალს არ აცილებდა. ბოლოს, როდესაც ოთახში არავინ იყო, ვერ მოითმინა და რამდენიმე ქლიავი ჩუმად შეჭამა.

დედამ ეს შენიშნა და სადილის დროს იკითხა: - ბავშვებო, ვინ შეჭამა ქლიავი?

ყველამ იუარა, მხოლოდ ივანე გაწითლდა კიბორჩხალასავით და თავისთვის ჩაიბურდღუნა:

- მე არ შემიჭამია.

მაშინ დედამ თქვა:

- ვიღაცამ ნამდვილად შეჭამა, მაგრამ ის კი არ იცის, რომ თუ ქლიავის კურკას გადაყლაპავს, მუცელი ასტკივდება.

- არა, კურკა გადავაგდე! - წამოიძახა ივანემ.

ყველამ გულიანად გაიცინა, ივანე კი ატირდა.