ფეხმძიმობა
ერთი კაცი ჭაში ჩავარდნილიყო და შველას ითხოვდა.
გზადმიმავალმა სხვა კაცმა სასწრაფოდ მოარბენინა თოკი და ჩაუშვა ჭაში. "ძმობილო, მოეჭიდე ამ თოკს და ამოგიყვან", - ჩასძახა მან.
ჭა ძლიერ ღრმა იყო, თან ჭაში ჩავარდნილს ეჭვიანობა მოსდგამდა ბუნებით.
"რის თოკი, რა თოკი, - ამოსძახა მან ზევით მყოფს, განა ვერ ვხედავ, გველი ჩამოგიშვია, ჩემი დაღუპვა განგიზრახავს".
"ძმობილო, გველიც რომ იყოს სხვა გზა არა გაქვს, უნდა მოეჭიდო, თორემ სულ მალე დაიხრჩობი - ჩასძახა მშველელმა, მაგრამ ამაოდ.
ასე რომ, მცირე ხნის შემდეგ წყალქვეშ გაუჩინარდა უნდობლობის მსხვერპლი.
