ფეხმძიმობა
მფრინავმა თევზმა უთხრა თოლიას: "შენ ჩიტად გადაგვარებული თევზი ხარ; ზღვის სიღრმეები არ გიყვარდა, ნიადაგ ზედაპირზე დაფარფატებდი, ამიტომაც გადაგექცა ფარფლები ფრთებად. შემდეგ ამპარტავნებამ მიგატოვებინა თვისტომნი და მაღლა-მაღლა დაიწყეო ფრენა.
თოლიამ მიუგო: "არა, შენა ხარ თევზად გადაგვარებული ჩიტი. სიხარბემ დაგმართა ეგ ყოველივე. თვისტომებთან ლაჟვარდში ნავარდს თევზებზე ნადირობას არჩევდი, ამიტომაც გადაგიგვარდა ფარფლებად ფრთები. ახლა კი ზოგჯერ იხსენებ წარსულს და ამოფრინდები ხოლმე წყლიდან მცირე ხნით.
რომელია მათ შორის მართალი?
