კრეისერი შეხვდა წყალქვეშა ნავს საზღვაო ტრასაზე, ამაყად გადმოხედა და უთხრა: "შე საბრალოვ, აბა, რას შემედრები მე შენ? ასი შენდენი ტევადობა მაქვს, გამწევი ძალა და აღჭურვილობა, შენ კი აბა, რას დამგვანებიხარ, წყლის ზედაპირს ძლივს აჩნიხარ, შორიდან სანაპირო კატარღა ეგონებიო კაცს".
წყალქვეშა ნავმა კი არა მიუგო რა, ჩაყვინთა და უხმოდ სტყორცნა მას ტორპედო, რითაც წამსვე დაუმტკიცა თავისი უპირატესობა.