ფეხმძიმობა
ერთი კაცი საზიარებლად ემზადებოდა და მღვდელთან მივიდა აღსარებისათვის. მღვდელმა დარიგება მისცა:
- წირვა-ლოცვაზე იარეო, შესაწირავი შესწირეო, მღვდელს აწირვინეო, ლოცვა ათქმევინეო, ცოდვას ნუ იზამ, ეშმაკი გაცდენსო, ეშმაკს არ უნდა დაუჯეროო!
ამასობაში კაცმა ცმუკვა და მხრის ქნევა დაიწყო და ამბობს:
- დამეხსენ, დამეხსენო!
მღვდელმა ჰკითხა:
- რას შერები, რას ბუტბუტებო?
კაცმა უპასუხა:
- ეშმაკი მეუბნება, აწირვინეო, მღვდელს ფული მიუტანეო?
მღვდელმა უთხრა:
- ჰო, შვილო, ზოგჯერ ეშმაკსაც უნდა დაუჯეროო!
