ფეხმძიმობა
გლეხი ყანას მკიდა. ცოლმა სადილად ერთი ქოთანი მაწონი მიუტანა და ძნასთან დადგა. საიდანღაც მელია გაჩნდა, ქოთანს მიეპარა, შიგნით თავი ჩაჰყო და სასწრაფოდ სულ ამოსვლიპა. მაწონი რომ გაათავა, თავი შიგ გაეჭედა და ვეღარ ამოიღო. მელია დადიოდა, თავს იქნევდა და ქოთანს ეუბნებოდა:
- კარგია, ქოთანო, გეყოფა მაგდენი ხუმრობა, ახლა გამიშვიო. მაგრამ ქოთანი მელიას არ ეშვებოდა.
მელია გაჯავრდა:
- მოიცა, შე დაწყევლილო ქოთანო, რა გიქნა! არ გინდა თავად მომშორდე და მიყურე, როგორ დაგახრჩოო!
მელია მდინარისკენ გაიქცა, ქოთანი შიგ ჩააყურყუმელავა - თავის ჭკუაში უნდა დაეხრჩო...
ქოთანი წყალმა მართლაც ჩაძირა, მაგრამ ქოთანმა მელაც თან ჩაიტანა.
