იაკობ გოგებაშვილი - კუდა მელია

მელია მახეში გაება და კუდი მოწყვიტა. - ახლა რაღა მეშველება? - ფიქრობდა მელია. - სირცხვილით სადღა გამოვჩნდეო?

იფიქრა, იფიქრა და ერთი ხერხი მოიგონა  - შეკრიბა მელიები და ასე უთხრა:

- რა საჭიროა ჩვენთვის კუდი. ტყუილად გვამძიმებს და სირბილს გვიშლის; ყველას გირჩევთ ჩემსავით დაიგლიჯოთო.

ერთმა უფრო ჭკვიანმა მელიამ უპასუხა:

- შვილოსან, მტყუანს ეწიოს გაცხარებული ტყვია, შენ მაგას არ იტყოდი, კუდა რომ არ გამხდარიყავიო.

კუდა მელიამ ხმა გაიკმინდა  და შერცხვენილი გაიპარა.