სიმართლე და ტყუილი პრეზერვატივებზე

მიუხედავად იმისა, რომ კონტრაცეპტივების საკმაოდ მრავალფეროვანი არჩევანი არსებობს, მედიკოსები უპირატესობას მაინც პრეზერვატივებს ანიჭებენ და რეკომენდაცის  სწორედ მის გამოყენებაზე იძლევიან.

ამის მიზეზია ის, რომ პრეზერვატივი იცავს არა მარტო არასასურველი ფეხმძიმობისგან, არამედ მრავალი სქესობრივი გზით გადამდები ინფექციური დაავადებებისგან თავის დაცვის საუკეთესო საშუალებასაც წარმოადგენს.

მიუხედავად ამისა, ბევრი მაინც თავს არიდებს მის გამოყენებას. ამის მიზეზი პრეზერვატივის წინააღმდეგ გავრცელებული რამოდენიმე მითია:

• მითი 1 - პრეზერვატივი  მხოლოდ მამაკაცის  დაცვის საშუალებაა და მის შეძენაზე მხოლოდ მან უნდა იზრუნოს (ვინც იცვამს, ის ყიდულობს)

გავრცელებული მოსაზრებაა, მაგრამ არასწორი.

ქალების არც თუ ისე ცოტა ნაწილი ყიდულობს პრეზერვატივს, ეს რეალობაა.

ამის მიზეზია ის, რომ ქალბატონებს მეტად აქვთ განვითარებული პასუხისმგებლობის გრძნობა და მშვენივრად ესმით, რომ უსართხო სექსი არა მხოლოდ მამაკაცის საზრუნავია.

• მითი 2 - პრეზერვატივით სექსი ამცირებს სქესობრივი კავშირით მინიჭებულ სიამოვნებას

”სექსი პრეზერვატივით იგივეა - დაუკრა პიანინო ხელთათმანებით”. თანამედროვე ლატექსის პრეზერვატივები უმაღლესი გამძლეობისა და ელასტიურობის გარდა, გამოირჩევიან იმით, რომ პრაქტიკულად არ მოქმედებენ მგრძნობელობის შემცირებაზე.

არსებობს პრეზერვატივები, რომლებიც დამუშავებულია სპეციალური, წყლის ბაზაზე დამზადებული სილიკონის საპოხით, ფუძესთან დატექსტურებული, რელიეფური ზედაპირით.

ასეთი პრეზერვატივები არათუ ამცირებს მგრძნობელობას, არამედ რეკომენდირებულიც კია ისეთი ადამიანებისთვის, რომლებიც ორგაზმის მიღწევაში სირთულეებს განიცდიან.

• მითი 3 - უპრეზერვატივოდ სექსი ჰორმონების გაცვლის გამო სასარგებლოა პარტნიორების ჯანმრთელობისთვის

ამაში არის სიმართლის ნაწილი, ქალისა და მამაკაცის ჰორმონების გაცვლას, ნამდვილად აქვს ადგილი პრეზერვატივის გარეშე სქესობრივი კონტაქტის დროს.

მაგრამ ალბათ არავინ დაობს იმაზეც, რომ არასასურველი ფეხმძიმობისგან, აბორტისგან, ან სქესობრივი ინფექციისგან თავის დაცვა ჯანმრთელობისთვის არანაკლებ სასარგებლოა.

• მითი 4 - დაქორწინებული წყვილებს, რომლებიც ერთმანეთის ერთგული არიან, შეუძლიათ უარი თქვან პრეზერვატივზე

რა თქმა უნდა შეუძლიათ, მაგრამ ინფექცია არა მხოლოდ შემთხვევით დამყარებული სქესობრივი კავშირის გზით გადადის, არამედ ის შეიძლება გადავიდეს საერთო აბანოში, აუზზე, სატრენაჟორო დარბაზში, ტრანსპორტში, ცუდად გარეცხილი ჭურჭლიდანაც კი.

ბოლოს და ბოლოს შეიძლება გაიღვიძოს უბრალო ჰერპესის ვირუსმა, რომელსაც ”სძინავს” პრაქტიკულად ყველა ორგანიზმში.

• მითი 5 - პრეზერვატივის გამოყენება უხერხულია, რადგან ამით შეიძლება პარტნიორი გაანაწყენო

პრეზერვატივის გამოყენება, პარტნიორის ჯანმრთელობაზე დამატებითი ზრუნვაა.

ყველა ნორმალური ადამიანი კი არ შეიძლება განაწყენდეს მასზე ზრუნვის გამო, პირიქით მადლობელიც კი უნდა იყოს ამის გამო.

• მითი 6 - პრეზერვატივის გამოყენება უკეთესია კრემებით,ზეთებით და სხვადასხვა ინტიმური გელებით

კატეგორიულად არ შეიძლება! იმის გარდა, რომ კრემებისა და გელების  სხულის მგრძნობიარე ნაწილებზე მოხვედრამ შეიძლება ქავილი და წვა გამოიწვიოს.

კრემებს შეუძლიათ გამანადგურებლად იმოქმედონ ლატექსის ზედაპირზე.

სექსის ენციკლოპედია © ...  ... ამაზონის ინტიმური მაღაზია ©

იხილეთ: ყველაფერი პრეზერვატივების შესახებ