ყველა ჯიშის ვაზი თითქმის ერთი და იგივე თვისებებით ხასიათდება ფესვების განვითარების მხრივ. კერძოდ, მიწაში 10 მ-მდე სიღრმემდე აღწევს, ხოლო სიგანეზე 8-10 მ-მდე, მაგრამ ამავე დროს ეს მრავალ ფაქტორთანაა დაკავშირებული – პირველ რიგში, ვაზის ასაკთან, შემდეგ ნიადაგის ტენიანობასა და ნაყოფიერებაზე, აგროტექნიკის გამოყენებაზე და სხვ.

ვაზის ფესვები ღრმად ვითარდება იმ შემთხვევაში, თუ მიწა ღრმად არის დაპლანტაჟებული. საერთოდ კი ვაზის ფესვების საშუალო სიგრძე ნიადაგში 1,5 მ-მდეა ვერტიკალურად, ხოლო ჰორიზონტალურად – 3-4 მეტრამდე.