ფეხმძიმობა
1. დაასახელეთ
დაასახელეთ ორი მწერი, რომელთაც მთელი მსოფლიო აპლოდისმენტებით ეგებება.
— — — — — — — — — — — — — — — — — — — — — — — —
2. რა უნდა იყოს?
რაც უფრო ნაკლებია წყალი, მით უფრო მეტია სიღრმე.
რა არის?
— — — — — — — — — — — — — — — — — — — — — — — —
3. როგორღა დაიძინა?
ღამით, მამაკაცი დიდი ხნის განმავლობაში ტრიალებდა საწოლში, მაგრამ ვერაფრით დაიძინა.
შემდეგ მან აიღო ტელეფონი, აკრიბა ნომერი, დაელოდა რამდენიმე გაბმულ ზარს, გათიშა ტელეფონი და მშვიდად დაიძინა.
რა შეიძლება მომხდარიყო თქვენი აზრით, რატომ ვერ ახერხებდა იგი აქამდე დაძინებას?
— — — — — — — — — — — — — — — — — — — — — — — —
4. ფანქარი
ფანქარი დადეს იატაკზე და რამოდენიმე ადამიანს სთხოვეს გადახტომოდნენ მას, თუმცა ეს ვერცერთმა მათგანმა ვერ მოახერხა.
რატომ?
5. ელექტრონული საათი
თქვენს წინაშეა ელექტრონული საათი.
რამდენჯერ შეიძლება მან დღის განმავლობაში აჩვენოს დრო ისე, რომ ციფერბლატის ყველა უჯრა (საათები, წუთები, წამები) უჩვენებდეს ერთსა და იმავე ციფრს?
— — — — — — — — — — — — — — — — — — — — — — — —
6. შეასრულეთ მოქმედება
29-1=30?
შეეცადეთ ოდაცხრას გამოაკლოთ ერთი (ერთეული) და მიიღოთ ოცდაათი.
— — — — — — — — — — — — — — — — — — — — — — — —
7. ორი მდინარე
მიედინება ორი მდინარე, ერთი წითელი, ხოლო მეორე თეთრი.
როგორ ფიქრობთ რა მდინარეებზეა საუბარი?
— — — — — — — — — — — — — — — — — — — — — — — —
8. მიხო და კასრი
მიხომ დაიწყო ცარიელი კასრის გავსება. როდესაც დაასრულა, კასრი გახდა უფრო მსუბუქი, ვიდრე იყო გავსებამდე (მიხოს არ გამოუყენებია ვაკუუმი, ან რაიმე, ჰაერზე უფრო მსუბუქი გაზი).
რით გაავსო მიხომ კასრი?
— — — — — — — — — — — — — — — — — — — — — — — —
9. რა რიცხვი ეწერა?
ირაკლიმ და ლევანიმ, რომლებიც ერთმანეთს ქუჩაში შეხვდნენ, დაინახეს ასფალტზე ცარცით დაწერილი ორნიშნა რიცხვი.
ირაკლიმ ამ რიცხვს მიუმატა 4 და გაყო 7-ზე, ხოლო ლევანმა რიცხვი გაყო 9-ზე და გამოაკლო 1.
მიღებული შედეგები დაემთხვა.
რა რიცხვი ეწერა ასფალტზე?
— — — — — — — — — — — — — — — — — — — — — — — —
10. რამდენი ბავშვი?
კლასში 35 მოსწავლეა. მათგან 20 ბავშვი დადის მათემატიკის წრეზე, 11 - ინგლისურის წრეზე. 10 ბავშვი კი არც ერთ წრეზე არ დადის.
რამდენი ბავშვი დადის ორივე წრეზე?
— — — — — — — — — — — — — — — — — — — — — — — —
11. უცნაური ხერხი
ვის შეიძლება მოუვიდეს აზრად მატარებლის რელსებზე მარილის დაყრა? რისთვის შეიძლება იყოს ეს საჭირო?
გაგიკვირდებათ, მაგრამ ველურ დასავლეთში სწორედ ამ მზაკვრული ხერხით აჩერებდენენ და ძარცვავდნენ მატარებლებს მრისხანე მძარცველები.
რაში მდგომარეობდა მათი ამგვარი ქმედების საიდუმლო?
— — — — — — — — — — — — — — — — — — — — — — — —
12. რა შემთხვევაში?
რა შემთხვევაში ვუყურებთ ციფრ 2-ს და ვამბობთ „ათი“?
— — — — — — — — — — — — — — — — — — — — — — — —
13. გამოიცანით ასაკი
როდესაც მამა იყო 31 წლის, შვილის ასაკი 8 წელს შეადგენდა.
ამჟამად კი მამის ასაკი შვილის ასაკზე ორჯერ მეტია.
რამდენი წლისაა შვილი ამჟამად?
— — — — — — — — — — — — — — — — — — — — — — — —
14. იპოვეთ პრინციპული განსხვავება
ჯორჯ ვაშინგტონი, უილიამ შექსპირი, ლუდვიგ ვან ბეთხოვენი, შერლოკ ჰოლმსი, ნაპოლეონ ბონაპარტი და ნერონი.
ერთ-ერთი მათგანი პრინციპულად განსხვავდება სხვა დანარჩენებისგან.
რომელი?
— — — — — — — — — — — — — — — — — — — — — — — —
15. რა უნდა იყოს?
რა არის:
ა) რაც შეიძლება გატყდეს, მაგრამ არასოდეს დაეცეს;
ბ) რაც შეიძლება დაეცეს, მაგრამ არასოდეს გატყდეს;
— — — — — — — — — — — — — — — — — — — — — — — —
16. ღამის დარაჯი
სამწუხაროდ, ღამის დარაჯი დღისით გარდაიცვალა.
დაუნიშნავენ თუ არა მას პენსიას?
— — — — — — — — — — — — — — — — — — — — — — — —
17. მუდამ ერთ კუთხეში
რა არის ის, რაც მოგზაურობს დედამიწის გარშემო, მაგრამ ყოველთვის რჩება ერთ კუთხეში?
— — — — — — — — — — — — — — — — — — — — — — — —
18. როდის?
როდის გამოიყურება სულელი ჭკვიანივით?
— — — — — — — — — — — — — — — — — — — — — — — —
19. სად ზის?
ბავშვი ზის, მაგრამ თქვენ ვერასოდეს შეძლებთ მისი ადგილი დაიკავოთ (თუნდაც მასავით პატარა იყოთ), მაშინაც კი, თუ იგი ადგება და წავა.
სად ზის ბავშვი?
— — — — — — — — — — — — — — — — — — — — — — — —
20. რა ცხოველია?
დაასახელეთ „ცხოველი“, რომელზეც მშვიდად დადიან ადამიანები და მანქანები.
— — — — — — — — — — — — — — — — — — — — — — — —
21. გამოიცანით
რა ნიშანი შეიძლება დავსვათ 4-სა და 5-ს შორის, რომ შედეგი იყოს 4-ზე მეტი და 5-ზე ნაკლები?
— — — — — — — — — — — — — — — — — — — — — — — —
22. შეიძლება თუ არა?
შეიძლება თუ არა ნებისმიერი მატჩის ანგარიშის გამოცნობა მისი დაწყების წინ?
— — — — — — — — — — — — — — — — — — — — — — — —
23. რა უნდა იყოს?
შეიძლება მოამზადო, მაგრამ ვერასოდეს შეჭამ.
რა არის?
— — — — — — — — — — — — — — — — — — — — — — — —
24. გამოიცანით
რას არ გააჩნია სიგანე, სიგრძე, სიღრმე, სიმაღლე, მაგრამ გაზომვა შეიძლება?
— — — — — — — — — — — — — — — — — — — — — — — —
25. უცნაური ფრინველი
დაასახელეთ ერთადერთი ფრინველი, რომელსაც აქვს ყურის ნიჟარები.
— — — — — — — — — — — — — — — — — — — — — — — —
26. ჩინელი კორიფეები
ჩინელი საბრძოლო კორიფეები ამბობდნენ:
ჩხუბი - ნიშანდობლივია სულელებისთვის;
გამარჯვება - ჭკვიანებისთვის;
მათი აზრით - რა არის ნიშანდობლივი ბრძენებისთვის?
— — — — — — — — — — — — — — — — — — — — — — — —
27. განსაზღვრეთ აგურის წონა
აგურის წონაა ორ კილოგრამი + ნახევარი აგური.
რამდენ კგ-ს იწონის ერთი აგური?
— — — — — — — — — — — — — — — — — — — — — — — —
28. პრიზიორი ხილი
წარმოების მოცულობით, მსოფლიოში პირველი ადგილი უჭირავთ ბანანებს, მეორე ადგილი კი ციტრუსებს.
თქვენი აზრით, რომელ ხილს უჭირავს მესამე ადგილი?
— — — — — — — — — — — — — — — — — — — — — — — —
29. უდაბნოს ქურდები
ამერიკის არიზონის შტატში უდაბნოს იცავენ ქურდებისაგან, რადგან ისინი იპარავენ იმას, რის გარეშეც უდაბნოს გაუკაცრიელდება ემუქრება.
რას იპარავენ ქურდები უდაბნოდან?
— — — — — — — — — — — — — — — — — — — — — — — —
30. უცნაური ნადირობა
მალაიელები ხაფანგის სახით იყენებენ ჩაკეტილ, ბამბუკისგან დამზადებულ გალიას, რომელშიც სვამენ ცოცხალ გოჭს.
ვისზე ნადირობენ ისინი ამ სახით?
— — — — — — — — — — — — — — — — — — — — — — — —
31. რა საკვებია?
რა საკვები გამოიგონა მარკო არონიმ მე-17 საუკუნეში?
— — — — — — — — — — — — — — — — — — — — — — — —
32. მსხვერპლთშეწირვა
გალელმა ქურუმებმა მოძებნეს უტყუარი მეთოდი ომის შემთხვევაში მეომრების უსწრაფესი მობილიზაციისთვის.
ამისათვის ისინი მსხვერპლად სწირავდნენ მხოლოდ ერთ ადამიანს.
კონკრეტულად ვის?
— — — — — — — — — — — — — — — — — — — — — — — —
33. უცნაური ხომალდი
დაასახელეთ ხომალდი, რომელსაც ჰყავს არა კაპიტანი, არამედ მეთაური.
— — — — — — — — — — — — — — — — — — — — — — — —
34. როგორ?
გუშინწინ, ლევანი იყო 17 წლის.
შემდეგ წელიწადს მას შეუსრულდება 20 წელი.
როგორ?
— — — — — — — — — — — — — — — — — — — — — — — —
35. მაიმუნების სკოლა
ტაილანდში არსებობს მაიმუნების სკოლა.
თქვენი აზრით, რას ასწავლიან იქ მაიმუნებს?
— — — — — — — — — — — — — — — — — — — — — — — —
36. 
მეცნიერების აზრით ნიანგები ამ ხერხით თავისუფლდებიან ორგანიზმში ჭარბი მარილისგან.
რა ხერხზეა საუბარი?
— — — — — — — — — — — — — — — — — — — — — — — —
37. ფრინველების არჩევანი
ფრინველები გადაფრენის წინ შემოდგომაზე ირჩევენ ცივ დღეს, გაზაფხულზე კი თბილ დღეს.
რატომ?
— — — — — — — — — — — — — — — — — — — — — — — —
38. დაასახელეთ მეტალი
რომელი მეტალი გვხვდება ბუნებაში პლატინაზე და ურანზე იშვიათად, თუმცა ბოლო დრომდე (და ეხლაც) იგი თითქმის ყველა ოჯახში ინახებოდა.
— — — — — — — — — — — — — — — — — — — — — — — —
39. როდის შეუძლია?
როდის შეუძლია ადამიანს იქროლოს სარბოლო ავტომობილის სიჩქარით?
— — — — — — — — — — — — — — — — — — — — — — — —
40. ვინ იყო ეს ადამიანი
1849 წელს, ერთი ადამიანი კალიფორნიაში გაემგზავრა, სადაც მთელი შტატი ოქროს ციებ-ცხელებას მოეცვა.
იგი იმედოვნებდა, რომ გამდიდრდებოდა ოქროს მაძიებლებისთვის კარვების მიყიდვით.
თუმცა, ამ დროს შესანიშნავი ამინდები იყო ოქროსმაძიებელი მაღაროელები ღამეს პირდაპირ ღია ცის ქვეშ ათევდნენ.
კარვებს არავინ ყიდულობდა.
მიუხედავად ამისა, ეს ადამიანი ძალიან გამდიდრდა და მისი პროდუქცია დღესაც უდიდესი წარმატებით იყიდება.
როგორ მოახერხა ეს და რა ერქვა ამ ადამიანს?
— — — — — — — — — — — — — — — — — — — — — — — —
| პასუხები |
— — — — — — — — — — — — — — — — — — — — — — — —
| იხილეთ სრულად: სახალისო მათემატიკა |
