როგორ აღვიდგინოთ უსწრაფესად დაკარგული ხმა

მარტივი და ეფექტური მეთოდები:

შეათბეთ 50 გრ. კონიაკი, დაუმატეთ 3 ჩაის კოვზი თაფლი და 3-4 წვეთი ლიმნის წვენი, მიირთვით ნელა, ყლუპებით და ხმა ძალიან მალე დაგიბრუნდებათ.

დღისით მიიღეთ ასკორბინის მჟავა, თითო გრამი - საკვებთან ერთად 3ჯერ დღეში (ცხელ ჩაისთან და კონიაკთან ერთად არ შეიძლება).

თუ ხმა გაციების გამო დაგეკარგათ, აიღეთ 1 თავი ხახვი, დაჭერით კუბიკებად და დაასხით 1 ჭიქა მდუღარე რძე; ცოტა ხნით გააჩერეთ, გაწურეთ და ცხლადვე მიირთვით.

ინჰალაცია - წყალში ჩაყარეთ 1 სუფრის კოვზი სოდა, 1 წვეთი იოდი ან 1 ევკალიპტის ფოთოლი, თავზე დაიხურეთ პირსახოცი და 20 წუთი ისუნთქეთ პირითა და ცხვირით. პროცედურის შემდეგ არ ისაუბროთ. გახსოვდეთ, რომ ჩურჩულით საუბარიც კი საზიანოა, რადგან ამ დროს იოგებს მეტი ძალა ადგება.

ღია ფერის უბრალო ლუდი, ყოველგვარი დანამატების გარეშე (ქერის ალაო, წყალი, სვია) გააცხელეთ თითქმის ადუღებამდე და მიიღეთ მცირე ყლუპებით (150–200 გრ). სასურველია დღეში ორჯერ, დაძინებამდე.

ძილის წინ მიიღეთ ერთი კვრეცხისგან დამზადებული გოგლი-მოგლი და 25 გრამი კონიაკი რიგრიგობით. ჯერ კონიაკი, შემდეგ გოგლი-მოგლი.

დაწოლისას თხელი ანგორას ან შალის ყელსახვევი გაიკეთეთ და წინდები ჩაცვით. დილამდე ხმა არ ამოიღოთ. ლოცვაც კი გულში წაიკითხეთ ).