ავთანდილ გურგენიძე - აი, ვის უყვარს დედა!

ეს წინსაფარი დედამ

გუშინ აჩუქა ნატას

როგორ უხდება, როგორ...

ხატავს, ნამდვილად ხატავს.

მაგრამ უხდება უფრო

ჯამ-ჭურჭლეულის წმენდა.

აი, ნამდვილი შვილი,

აი, ვის უყვარს დედა!

ხან დაალაგებს ოთახს,

ხანაც გადასწევს ფარდას...

ამ წინსაფარზე უფრო

შრომა უხდება ნატას.

განა ვერავინ ამჩნევს;

მთელი ქვეყანა ხედავს,

აი, ნამდვილი შვილი,

აი, ვის უყვარს დედა!