...დასაბამიდან მოსვენება აღარ აღირსეს, ღვარად დაღვარეს, დააქციეს, დაანაკლისეს... მალვით გაყიდეს, გაახასეს, გაამამლუქეს... ჩაწვეს, ჩაღველფეს, სხვა ხატ-ღმერთები დაუხატეს მერე თაღებქვეშ... დარში, ავდარში, მაგრამ მოვედით, უფლის ნებით მაინც გადავრჩით... იმ წვეთ-წვეთის მცირე წვეთ-წვეთი _ თან მოვდიოდით, თან დაკარგულს გზა-გზა ვეძებდით... კვლავ ვანთებდით ვკრეფდით, ვავსებდით, თბილად ვფუთავდით ჩვენს ძარღვებში ლურჯი ხაზებით... სამ მილიონ კაცში დავმალეთ, მის ჰემოგლობინს და მის როეს ვსინჯავთ მალ-მალე... ვახარისხებთ და ვყოფთ ჯგუფებად, ქარის ქროლაზე ვგრძნობთ, როგორ თრთის და იქუფრება... როგორ იმღვრევა, ძარღვებს, საფეთქლებს ეხეთქება ბრძოლის სიმღერად... მოთქარუნობს გზებზე ცხენივით, ქართული სისხლი - ძილს და სიკვდილს გადარჩენილი... |