ფეხმძიმობა
|
მიწა მაქვს და მიწა მქონდა - დარი მამალ ხოხბის ფრთისა, მოყვრის მსასოებელი და დამზაფვრელი მოშურნისა! მაღლივ ღმერთი არ მაკლებდა შუბლზე მირონცხებულ ნიშანს, რკინას ვჭედდი, ვაშენებდი, საყდარსა და სანთლის ნიშას. სულს ჩემივე ჩუქურთმისას, ვაზის ჯვარზე სხივს ვახვევდი კაბადუკიელის თმისას, საწნახელში ბიჭი იდგა ვადას ჩაფრენილი ხმლისას აკვნიდან რომ არ ენახა მშვიდად დაღამება დღისა. აქედ დიდოს, ლეკს და ხიზანს, წიგნიც დაწვეს, ვაზიც ჩეხეს, მაინც ვერ ეწიენ მიზანს. მეზობელიც ამემრიზა, - შინაურმა თუ არ დამკლა მე მომხვდური ვერას მიზამს! მე ჩემი მაქვს მოსავლელი თვალი არ გამირბის სხვისას, წვეთ-წვეთად და მისხალ-მისხალ მიწა მეფე თამარისა! ჩოხას მივუბოძებ ძმისას, ვინც არა და ნუ მიიჩნევს თავს ამ ცა-ფირუზის ღირსად! არც შაჰის და ყაენისა, ხატზე ბევრჯერ გადავეცი ვინც მამული გაასხვისა! ჩუმად ვიჩნევ მოძმის ტკივილს იმის სიხარულს და ჭირსა და მწამს ჩემი ბედისწერის აწმყოსი და მომავლისა! მხარევ, გაბადრული მზისა ილოცვიდე დედაენას ჩინს საკუთარ თვალებისას, ზეპირობდე რვალზე წერილს სამუდამო პარაკლისად: - - "მე ვარ ავი მუსაიფი კახთ ბატონის ირაკლისა!" |
|
პოეზიის გვერდი • • • |
