ტერენტი გრანელი - ფიქრები ქაქუცას მკვლელობის დღეს

კვდება ეს მდელო და ეს ქარია

და საქართველო ახლა მკვდარია,

დილაზე მდელოს ვუმზერ სპეტაკი:

და საქართველოს ციდან ვუძახი.

მათ საქართველო დღეს გულში დაჭრეს,

ახლა ძნელია სულის მიგნება.

ირგვლივ ღამეა, არ ჩანს მესია

და საშინელი ეს გაციგნება.

მაგრამ..! ლაზარე აღსდგება მკვდრეთით

აღსდგება როგორც ღვთის სიყვარული.

მას ვამბობ რასაც ვამბობდი: კმარა!!!

მზეო! ამოდი, ამოდი ჩქარა!!!