მედეა კახიძე - წარწერა დავით აღმაშენებლის საფლავზე

შემოვივლი ბაგრატს, გელათს 

და ტკივილით შევიძვრები, 

სამარეში ისევ ღელავ,

ისევ ბორგავს შენი ძვლები.

ცვილის სანთლებს გინთებ რიდით 

საქართველოს შუაბოძო, 

გამიღვივე რწმენა დიდი 

ნუ დამტოვებ უსაბოძვროდ.

მოხუცი თუ კაცი ბრძენი,

გულოვნებას შენსას ვბაძავთ, 

შენი სიტყვა, საქმე შენი 

განათებულს მოგავს ტაძარს.

ვიცი, ბევრჯერ აგატირა,

ქართლის ცრემლმა ქვა და რკინა,

ალბათ შენი საქართველო 

სამარეში ახლაც გტკივა!