თედო ბექიშვილი - მტერი შინ და მტერი გარეთ

შვილნი შენნი მუშაკობენ

თავისთავის სარგოდ - 

აბა როგორ გეშველება ,

როგორ, ჩემო კარგო?!

წინაპართა მონიშნული 

გზა რომ დაიკარგოს - 

აბა როგორ გეშველება, 

როგორ, ჩემო კარგო?

რას მოგიტანს უცხო მხრიდან 

უცხო გემო „არგო?“ 

იგი ლამობს, ამ მიწიდან

გაქრე, აიბარგო...

სხვის სასახლეს გირჩევნოდეს 

შენი ქოხი აგო -

მტერი შინ და მტერი გარეთ 

ფრთხილად, ჩემო კარგო!