ლიდია მეგრელიძე - გურიას

ჩემი მიწის მობიბინე ოქროს ყანავ,

შენს თაველში ჩემი სიყრმის გულია...

ამ მდელოზე მიმღეროდა დედა ნანას,

ჩემო კარგო, საყვარელო გურია!

მე მოვედი გაზაფხულის ყვავილებში,

შენ თვალები ფორთოხლებით ამივსე,

ციტრუსების ხეივნებში გამითენე,

გამახარე, გული ამიმაისე.

თასით მასვი ქართულ ჩაის სურნელება...

უნდა გითხრა: მეტად საამურია...

ლურჯი დილის ლაჟვარდებში დახატულო,

ჩემო კარგო, საყვარელო გურია!